Túsundtals iranar syrgja Khamenei

Kistan við iranska leiðaranum, Ali Khamenei, ayatollah, kom í gjárkvøldið til heilaga, iranska býin, Qom, skrivar AFP-tíðindastovan.

Gøturnar í høvuðsstaðnum, Teheran, vóru í gjár á tremur, tá fleiri túsund syrgjandi fólk tóku lut í jarðarferðargonguni.

Í dag skulu somu jarðarferðargongur vera í Qom, áðrenn kistan verður førd til heilagu býirnar, Najaf og Karbala, skrivar AFP.

Hósdagin enda tey nógvu minningarhaldini við jarðarferð í heimbýnum hjá Khamenei, Mashhad, sum er næststørsti býur í Iran.

Ali Khamenei varð dripin 28. februar, eftir at USA og Israel høvdu lopið á Teheran.