Á rennihjóli í undirsjávartunli

Í nátt var ein maður tikin á elrennihjóli í Eysturoyartunlinum.

Hann kom úr Streymoynni og var komin hálva leið inn í tunnilin, tá politiið tók hann.

Ikki er loyvt at brúka elrennihjól á almennum vegi í Føroyum.

Tann, sum tað ger, missir rennihjólið.

Tað gjørdi tann, sum var tikin í nátt, eisini.

Politiið koyrdi hann til hús, tí ikki er loyvt at ganga í Eysturoyartunlinum.