Taks og Kærustovnurin ósamd um tolllógina

Tolllógin sigur ikki, at treyt fyri tollfrítøku er, at sama fólk flytur eina vøru út og síðani flytur hana aftur til Føroya.

Tað sigur Kærustovnurin, sum tulkar tolllógina øðrvisi enn Taks.

Talan er um eina motorsúkklu.

Hon var innflutt til Føroya.

Hon fór síðani av aftur landinum.

Annar innflytari

Men so keypti ein annar enn tann, sum fyrru ferð keypti hana, motorsúkkluna aftur til Føroya.

Og Taks kravdi toll.  

Taks segði, at ásetingin í tolllógini um tollfrían innflutning, er ikki galdandi, tá vøran er blivin seld av landinum fyri síðani at blíva innflutt aftur av einum øðrum enn tí, sum innflutti hana fyrru ferð.

Innflytarin kærdi og fekk viðhald frá Kærustovninum.

Tollur skal bara rindast eina ferð, sama hvør innflytarin er.