Umfatandi sms-svikálop á føroyingar

Sms-svikálop á føroyingar hava av álvara tikið dik á seg seinasta hálva árið og tað er meira umfatandi enn onnur ár. Tað sigur Turið F. Arge, forkvinna í Felagnum Peningastovnar, sum saman við Føroya Politi og Talgildu Føroyum, ávara føroyingar um hesi sms boðini í tíðindaskrivi.

- Tað eru øgiliga nógv fleiri fólk, sum detta í felluna. Vit meta, at tað eru fleiri hundrað føroyingar, sum hava latið óviðkomandi upplýsingar, sum tey ikki skulu hava, sigur hon. 

Turið Finnbogadóttir Arge, Bank Nordik, Turið F. Arge, Føroya Banki

Caption: 

Turið F. Arge

Peningastovnarnir og politiið heita á allar føroyingar um at vera ansnar og fylgja hesum ráðum:

Steðga á: Trýst ikki á leinki í sms-boðum, og lat ikki persónligar upplýsingar.

Hugsa teg um: Væntar tú boð frá avsendaranum? Hav ikki ókritiskt álit á navninum ella 
telefonnummarinum í boðunum. Tað kann vera falsað.

Spyr: Ert tú í iva, vend tær so til peningastovnin ella myndugleikan og spyr.

Ber skjótt at, um skaðin er hendur: Hevur tú trýst á leinkið og latið persónligar upplýsingar, skalt tú 
beinanvegin seta teg í samband við tín peningastovn. Tú kanst sperra gjaldskortið á netbankanum 
um skaðin hendir eftir arbeiðstíð ella í vikuskiftinum.

Hoyr innslagið í tíðindunum her: