Føroysk sjónvarpsrøð um deyting

Hvussu finnur tú kærleikan í hesum lítla landinum, har øll kenna øll? Tað verður høvuðsspurningurin í nýggjari føroyskari sjónvarpsrøð, sum í hesum døgum tekur síni fyrstu fet. 

Íblásturin kom frá okkara egnu upplivingum, tá vit fluttu heim, siga Anna Maria Sloan og Annika Djurhuus Olsen, sum báðar eru leikstjórar. 

Eitt lítið samfelag 

Sjónvarpsrøðin, sum eitur Gøtubrá, kemur at snúgva seg um Helenu, ið er ein støk kvinna í 30unum, sum júst er flutt heim aftur til Føroyar. 

- Tú kanst ikki bara fara út á deyt í Føroyum, tí øll kenna øll. So hoyra fólk beinanveg, at tú fjasast við onkrum, vísir annar leikstjórin á. 

Tað er eitt av dømunum um, hvussu tað er at vera á føroyska deytingmarknaðinum, sum er eitt sindur øðrvísi enn aðrastaðni, siga tær báðar flennandi. 

Sikta eftir stjørnunum

Vit ynska at vísa ein nokkso vanligan veruleika, sum vit síggja í føroyska deytinglívinum, siga leikstjórarnir, sum hava stórar ætlanir. 

Fyrstu upptøkurnar gerast júst nú, og ambitiónirnar eru stórar. - Vit vilja eisini út á altjóða pallin, siga Annika og Anna Maria. 

Vit hava góð fólk aftrat okkum, leggja tær eisini dent á. Umframt fleiri føroyingar, eru eisini altjóða fólk við úr eitt nú Svøriki og USA.