Á Skúlanum við Løgmannabreyt eru tey til reiðar

-Tað mest umráðandi er, at børnini í 1. flokki kenna seg trygg beinanvegin. Tað hevur stóran týdning at fyrsti skúladagur er væl eydnaður, sigur Høgni Joensen, skúlastjóri í Skúlanum við Løgmannabreyt í Hoyvík.

Tórun Lindenskov Samuelsen er spildur nýggjur lærari, og hon sigur, at læraragerningurin hevur altíð drigið, sjálvt um hon í mong ár hevur arbeitt á skrivstovu. Tí fór hon á Læraraskúla og varð liuðug í ár.

- Eg eri glað fyri, at eg fekk starv á júst hesum skúlanum, tí míni børn hava gingið og ganga her, og mær dámar væl mentanina á skúlanum, sigur Tórun.

Hvørki hon ella skúlastjórin Høgni óttasi fyri vitlíki, tí tað verður eitt hent amboð, um tað verður brúkt rætt, eru tey á einum máli um.

Høgni Joensen hevur verið skúlastjóri á Skúlanum við Løgmannabreyt, siðani skúlin lat upp í 2008. 1. september leggur hann frá sær fyri aldur, og hann óttast ikki, tí hann veit, at skúlin er í góðum hondum.

Lurta eftir samrøðuni við Høgna og Tórum, sum var í Summarmorgni í morgun, her: