Danir gera herskyldu í Grønlandi

Fyri fyrstu ferð í nýggjari tíð hevur danska verjan sent eitt lið til Grønlands sum part av herskylduni.

Heimasíðan hjá donsku verjuni skrivar, at í Grønlandi verða tey, sum gera herskyldu, partur av venjingini Arctic Endurance, sum danska verjan hevur í tøttum samstarvi við grønlendsku stjórnina.

Sagt verður, at í venjingunum í grønlendska landslagnum fáa tey heilt aðrar avbjóðingar, enn tey høvdu fingið í Danmark.

Men hetta er eisini ein partur av avgerðini hjá donsku verjuni at vera meira til staðar í Arktis og í Norðuratlantshavi. Hetta verður gjørt í tøttum samstarvi við NATO.