Danir lova verjuskip næstu mánaðirnar

Tað sigur Bárður á Steig Nielsen, landsstýrsimaður í uttanríkis- og fiskivinnumálum, sum hevur gjørt avtalu við danska verjumálaráðharran, Jeppe Bruus, um tað.

Brimil er á langtíðar viðlíkahaldi og verður ikki klárur aftur fyrr enn hálvan oktober. Tjaldrið fekk maskinbrek herfyri og eykalutir eru ikki at fáa til skipið.

Síðstu vikuna hava vit hoyrt fleiri ferðir um føroysk skip og bátar, ið hava havt tørv á hjálp, men einki vaktarskip hevur verið at hjálp. Í staðin hava aðrir bátar og Rescue Lív, arbeiðsbáturin á Tjaldrinum, Rescue Ziska og Rescue Jens verið úti og hjálpt.

Og í gjár mátti Polarhav sleipa Stjørnuna til lands, tá ið Stjørnan fekk maskinbrek norðanfyri. Skiparin á Stjørnuni Olivar Krossgil   segði soleiðis við Dag og viku í gjárkvøldið um støðuna.

Bárður á Steig Nielsen er ikki nøgdur við støðuna, man hann fegnast um at avtala er fingið við Danmark um at hava sjóverjuskip her, til Brimil ella Tjaldrið eru klárir aftur.