Fáir grønlendingar vilja í oljuvinnuna

Fáir grønlendingar vilja í oljuvinnuna
Cairn Energy vil hava fleiri grønlendingar í starv, men teir søkja ikki
 
13.01.2014 - 14:57

Hóast skotska oljufelagið, Cairn Energy, vil hava fleiri grønlendingar í starv, søkja fáir grønlendingar størv hjá felagnum, skrivar Sermitsiaq.

Í 2010, tá virksemið var mest, vóru bert sjey prosent av starvsfólkunum grønlendingar, hóast felagið vildi havt minst tíggjunda hvørt fólk úr Grønlandi, sigur stjórin í felagnum, Ian Watt, við blaðið.

Hvørja ferð lýst verður eftir fólki, eru tað fólk úr evropeisku londunum, sum søkja størvini, sigur Ian Watt.

- Tað eru serliga danir, sum søkja størvini hjá felagnum, sigur hann.

Øll størv krevja ikki útbúgving

Tá søkt verður eftir fólki, krevja summi størv ávísa útbúgving, men tað eru eisini størv, sum ikki krevja nakra serliga útbúgving, og tá er tað løgið, at grønlendingar ikki søkja, sigur stjórin.

Oljuvinnan kann sum oftast lata hægri løn enn vanligt, og tí er løgið at so fáir grønlendingar søkja, sigur hann. Hann heldur eina orsøk vera, at fólk, sum fáa starv, av trygdarávum skulu duga enskt, og tað kann vera ein forðing.

Í 2010 og í 2011 gjørdi Cairn Energy átta royndarboringar í Grønlandi, og og ætlanin er at gera fleiri boringar í ár, skrivar Sermitsiaq.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470