Kann draga út at skriva undir avtaluna

Ætlanin er, at amerikanski forsetin skal halda røðu fyri ST-aðalfundinum fyrst, men hann er ikki farin á røðarapallin enn

Avtalan verður undirskrivað í United Nations Correspondents Association Room á ST-høvuðsborgini í New York.

Mynd: Mads Claus Rasmussen/Ritzau Scanpix

Johnsigurd Johannesen

22.09.2026 - 15:05

Tað kann draga út at skriva undir avtaluna millum USA, Danmark og Grønland.

Eftir ætlan skal skrivast undir avtaluna í einum høli í ST-bygninginum í New York klokkan hálvgum fýra.

Men fyrst skal Donald Trump, forseti, halda røðu fyri ST-aðalfundinum, og hann er ikki farin á røðarapallin enn.

Avtalan verður undirskrivað í United Nations Correspondents Association Room á ST-høvuðsborgini.

Mute, Mette og Jens-Frederik

Mute B. Egede, landsstýrismaður í uttanríkismálum, Mette Frederiksen, forsætisráðharri og Jens-Erik Nielsen, landsstýrisformaður, uttan fyri ST-høvuðsborgina. (Mynd: Mads Claus Rasmussen/Ritzau Scanpix)

Mette Frederiksen, forsætisráðharri, situr í miðjuni, Donald Trump, forseti, høgrumegin og Jens-Frederik Nielsen, grønlendski landsstýrisformaðurin, situr vinstrumegin, tá avtalan verður undirskrivað.

Danski forsætsráðharrin skrivar á Facebook, at hetta er ein týdningarmikil dagur hjá Grønlandi og Danmark.

- Vit fylgjast, sum vit hava gjørt alla tíðina, skrivar hon.