Elias hevur skrivað undir í Aalborg

Elias Ellefsen á Skipagøtu hevur skrivað undir langtíðarsáttmála við Aalborg og skiftir úr THW Kiel næsta summar, skrivar portal.fo.

Leysasøgurnar hava gingið í eina tíð, men keldur hjá miðlinum vátta, at nú hevur føroyski bakspælarin skrivað undir, og at danski hondbóltsrisin fer at kunngera skiftið skjótt.

Sáttmálin hjá hoyvíkinginum við týska stórfelagið gongur út næsta summar.

Stóra málið hjá Aalborg Håndbold er at vinna Champions League, har felagið hevur rokkið í Final Four tvær ferðir seinastu trý árini.