Borðreiddi við mati og meiningum

Forrætturin æt 'Loys slipsið', høvuðsrætturin ' Aftur við eysturstrondina' og dessertin 'Gylti kupulin', og allir rættirnir høvdu eina søgu um mátan, amerikanarar í løtuni hóreiggja sær um okkara leiðir - einamest í Grønlandi.

- Bara tankin um, at grønlendskar familjur flyta úr Grønlandi, ti tey ikki tora at búgva har longur, orsakað av amerikanska forsetanum, gjørdi, at eg mátti siga sína hugsan, tá eg fekk møguleikan, sigur Gutti Winther, sum júst er komin heim aftur, eftir at hava kappast við kokkar úr Noregi, Íslandi, Danmark, Grønlandi og Finnlandi. Hann gjørdi ikki mætari enn at vinna kappingina.

Tað var norska sendistovan í Washington, sum var karmur um kappingina, og kokkarnir fingu ein dag at gera eina leskiliga matskrá, sum skuldi vísa á tað, londini høvdu at bjóða. Dómarar vóru kendir amerikanarar sum hava við mat at gera, og meðan matgjørt varð, gingu innboðin og hugdu at.

Hoyr Gutta greiða frá, millum annað hvussu norska sendikvinnan brúkar mat sum eitt diplomatiskt amboð