Barði fer aftur til fiskiskap um ársskiftið

Íslendska uppsjóvarskipið Barði, sum eldur kom í norðan fyri Føroyar 12. juni, verður klárt at fara til fiskiskap aftur um ársskiftið, sigur reiðaríið, Sildarvinnslan.

Skipið var sleipað til Havnar, har tað verður umvælt.

Umvælingin gongur væl, sigur reiðaríið.

Manningin á Barða hevur fiskað svartkjaftin hjá skipinum við einum øðrum skipi, sum annars var lagt, tí tað skuldi seljast. 

Tað skipið eitur Bjarni Ólafsson.

Eitt annað íslendskt skip, Jóhanna Gísladóttir, er eisini til umvælingar í Havn.