Útlendingar fáa milliónir úr fiskavirkisskipanini

Útlendingar fáa milliónir úr fiskavirkisskipanini
Støðugt fleiri útlendingar fáa pengar úr fiskavirkisskipanini hjá ALS
 
14.10.2026 - 06:51


Støðugt fleiri útlendingar fáa pengar úr fiskavirkisskipanini hjá ALS.

Í september fingu teir slakar 5,5 milliónir, 42 prosent av tí, sum fiskivirksisskipanin rindaði í september.

Í 2016, alt árið, var talið 10 prosent.

Tað er síðani vaksið hvørt ár.

Í fjør var tað 37 prosent.

Tað sigur Margit Stórá, landsstýriskvinna, í svari til Liljuna Weihe, løgtingskvinnu.

Frá 2016 og til og við september í ár hava útlendingar fingið slakar 45,2 millónir úr fiskavirkisskipanin.

Hesa tíðina fóru 159,6 milliónir úr fiskavirkisskipanini.

Umroknað til ársverk var talið 454 til og við september í ár.

Tað var 534 í fjør og 170 í 2016.

Danskir borgarar

Útlendingar eru tey, sum ikki eru danskir ríkisborgarar.

Fiskavirkisskipanin er eitt slag av arbeiðsloysisstuðli, sum fevnir um tíðarbundið arbeiðsloysi á fiskavirkjum.

Skipanin tryggjar starvsfólki arbeiðsloysisstuðul, um steðgur er í arbeiðinum á virkinum vegna vantandi feska rávøru ella líknandi umstøður.

Útgjald er hvørja viku. 

Stuðulin verður roknaður frá og við níggjunda arbeiðsloysistíma.

Tað ger, at til ber at fáa stuðul fyri í mesta lagi 32 tímar, svarandi til fýra dagar um vikuna.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592