Rætturin skal taka støðu til, um mál móti Bakkafrosti eru ov gomul

Føroya rættur fer í næstu viku at viðgera spurningin, um málini, sum Bakkafrost er ákært fyri, eru fyrnd.

Tað heldur sakførarin hjá Bakkafrosti uppá.

Ákæruvaldið hevur ákært Bakkafrost fyri brot á flutningskunngerðina.

Í ákæruritinum sæst, at Bakkafrost er ákært fyri at hava brotið kunngerðina seks ferðir, frá 18. mars í 2020 til 21. juli 2020.

Bakkafrost hevur flutt uttan loyvi frá Heilsufrøðiligu starvsstovu, sigur ákæruvaldið.

Allir flutningar vóru í Suðuroynni. 

Haraftrat er flutningur úr Froðba til Porkeris, sum loyvi var givið til, ikki skrásettur í flutningsbókini.