Bara ákærdur fyri harðskap, hóast ein maður doyði

Bara ákærdur fyri harðskap, hóast ein maður doyði
Hendingin fór frá á skeinkistaði í Havn, har ein 66 ára gamal maður varð sligin og skumpaður, so hann datt. Seinni varð hann funnin deyður
Málið kemur fyri í Føroya rætti triðja februar, og 7 vitni eru innkallað
 
21.01.2014 - 14:57

Hendingin fór fram á einum skeinkistaði í Havn í februarmánaði í fjør.

38 ára gamli maðurin skumpaði og slóg ein 66 ára gamlan mann, so at hesin datt og smekkaði høvdið í ein barrdisk, áðrenn hann small í gólvið og fall í óvit.

66 ára gamli maðurin raknaði tó við aftur løtu seinni. Men góðar tveir dagar seinni, varð hann funnin deyður heima hjá sær sjálvum.

Líkskoðan stóran týdning fyri málið

Líkskoðari frá Rættartekniska instituttinum á Fjóni varð boðsendur.

Niðurstøðan hjá líkskoðaranum var, at 66 ára gamli maðurin er deyður av skaðanum, hann fekk, tá hann smekkaði høvdið í barrdiskin.

Sambært Lindu Hesselberg, ákæra, hevur frágreiðingin frá líkskoðaranum nógv at siga í hesum máli.

Ikki ákærdur fyri óviljað manndráp

38 ára gamli maðurin verður tó ikki ákærdur fyri óviljað manndráp, tí talan var ikki um harðskap av serliga grovum slag. Talan var um skump og sløg, og tað kemur undir vanligan harðskap.

Sambært revsilógini kann maðurin verða dømdur upp í  1½ árs fongsulsrevsing. 

38 ára gamli er eisini ákærdur fyri harðskap móti øðrum persóni.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470