Lønirnar vóru 592 milliónir í januar

Lønirnar vóru 592 milliónir í januar
Tað vóru 15 milliónir minni enn í desember
 
11.02.2014 - 08:16

Lønirnar í januar vóru 592 milliónir krónur, og tað eru 15 milliónir minni enn í desember.

Afturgongdin er 2,5 prosent, vísa hagtøl frá Hagstovu Føroya.

Tølini eru árstíðarjavnað, so lagt er upp fyri, at lønarútgjaldingarnar vanliga eru størri í desember enn í januar mánaði.

Seinna hálvár 2013 vóru lønirnar omanfyri 600 milliónir hvønn mánað, og í september vóru tær hægstar, tá tær táttaðu í 630 milliónir.

Síðan tá eru tær minkaðar, og í januar vóru tær so komnar niður á 592 milliónir.

Trendurin, sum vísir langtíðargongdina, vísti vøkstur frá mars til oktober, men nú er stígur komin í.

Árstíðarjavnað tøl eru reinsað fyri árstíðar-av-vik, sum t.d. afturvendandi sveiggið í virkseminum millum vár og summar, heyst og vetur.

Hetta merkir, at til ber at hyggja eftir gongdini mánað fyri mánað, uttan at samanberingin verður órógvað av regluligum sveiggjum millum árstíðirnar.

Í trendinum er harumframt lagt upp fyri øðrum óreglusemi í mánaðarligu tølunum, og tá sæst tann undirliggjandi langtíðargongdin í lønunum.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486