- Tíðindi, mentan og ítróttur
Manningin á Slættabergi má bíða
<div>Manningin á Slættabergi noyðist at bíða til eftir ólavsøku eftir skipsboðum, tí ikki fyrr enn týsdagin í næstu viku fer Føroya rættur at gera úrskurð um avgerðina hjá Fiskiveiðueftirlitinum um at taka fiskiloyvið frá Slættabergi í fýra vikur.</div><div><br></div><div>Føroya rættur hevur viðgjørt málið fyrrapartin, og í seinasta lagi á middegi 31.juli kemur avgerðin hjá rættinum.</div><div><br></div><div><b>Ligið tvær vikur</b></div><div>Og tá hevur Slættaberg ligið í tvær vikur. Hann misti fiskiloyvið í fýra vikur fyri at hava havt ov nógva sild sum hjáveiðu á sínum fyrsta túri eftir makreli. </div><div><br></div><div>Ákæruvaldið krevur, at rætturin staðfestir avgerðina hjá Fiskiveiðueftirlitinum. Sakførarin hjá P/f Nærabergi, sum eigur Slættaberg, krevur, at skipið ikki missir fiskiloyvið yvirhøvur ella, í øðrum lagi, at skipið missir fiskiloyvið í styttri tíð enn fýra vikur.</div>
