Rækjuskipini fiska væl

Arctic Viking var á fiskileið í 27 samdøgur, og teir fingu uppí, 450 tons av rækjum, skrivar Jóanis Nielsen á heimasíðuni.

Arctic Viking skal landa í Kårvik, men teir fara fyrst inn í Tromsø, har teir bunkra og taka útgerð til nýggjan túr.

Arctic Viking kom til Tromsø í dag, har teir eisini skulu skifta manning.

Í morgin skal Arcitc Viking landa í Kårvik. Havborg royndi eisini norðanfyri Svalbard.

Teir fingu uppí eftir trimum vikum, og landaðu herfyri í Noreg. teir byrjaðu nýggjan túr 6. februar.

Tað eru góðar rækjur skipini fáa og prísurin er hampuligur, skrivar Jóanis Nielsen.