Ikki bústaðarskylda í miðbýnum í Havn

Tað samtykti býráðið í gjárkvøldið, tá bústaðarskyldan úti á Reyni og aðra staðni í miðbýnum, aftur var til viðgerðar.

Býráðið feldi fyrst eitt uppskot frá meirilutanum í Teknisku nevnd um at heita á landsstýrið um at útvega kommununum lógarheimild at seta krav um bústaðarskyldu.

SÍ EISINI Tórshavnar Býráð vil hava bústaðarskyldu á Reyni

Meirilutin vísti á eitt løgfrøðiligt upprit hjá Løgdeildini hjá býráðnum, sum staðfestir, at kommunur hava onga heimild til at krevja bústaðarskyldu.

Seks atkvøddu fyri og sjey ímóti uppskotinum hjá meirilutanum í Teknisku nevnd.

Mæltu frá lógarheimild

Síðani samtykti býráðið eitt uppskot frá meirilutanum í Fíggjarnevndini, sum mælti frá at seta bústaðarskyldu á hús, sum kommunan sjálv selur í miðbýnum í Havn.

Níggju atkvøddu fyri og ein ímóti. Tríggir býráðslimir atkvøddu ikki fyri tí uppskotinum.

Meirilutin í Fíggjarnevndini mælti frá at heita á landsstýrið um at útvega kommununi lógarheimild at seta krav um bústaðarskyldu.