Anita fær veiðiloyvið aftur

Anita fær veiðiloyvið aftur
Hóast garnaskipið Anita fær veiðiloyvið aftur á middegi í dag, fer skipið ikki til fiskiskap. Føroya rættur skal fyrst viðgera ákærurnar
Garnaskipið Anita fær á middegi veiðuloyvið aftur. Skipið fer kortini ikki aftur til fiskiskap áðrenn Føroya rættur hevur viðgjørt ákærurnar móti reiðaríi og skipara
Mynd: KvF  
 
19.05.2014 - 09:18

<p>Vørn tók annan páskadag veiðiloyvið frá Anitu í fýra vikur. Anita verður tó liggjandi til Føroya rættur hevur viðgjørt ákærurnar móti reiðaríi og skipara. Tað segði Jens Andrias Winther, advokatur hjá reiðaríinum, sum eigur Anitu, við Útvarpið hósdagin.</p>

<p>Linda Hesselberg, ákæri, segði við Útvarpið 22.apríl, at talan er um sjey brot á kunngerðina um fiskiskap eftir havtasku og svartkalva við gørnum á føroysku landleiðini. Men hvussu nógvar ákærurnar verða, visti hon ikki hósdagin, tí tá var ákæruritið ikki liðugt.</p>

<p><strong>SÍ EISINI <a href="http://kvf.fo/greinar/2014/05/15/akaeruritid-moti-reidariinum-um-verda-k...Ákæruritið um at verða klárt</a></strong></p>

<p>Ákæruritið verður latið Føroya rætti í hesari vikuni, segði Linda Hesselberg. Anita sleppur tó ikki at loysa, tá hon fær loyvið at fiska aftur á middegi í dag. Tí politiið hevur trygd í skipinum fyri bót, sakarmálskostnað og reiðskap, sum ákæruvaldið hevur lagt hald á.</p>

<p>Talan er um 2,4 mió. kr. Reiðaríið hevur ikki veitt bankatrygd fyri kravinum, og tí hevur politiið trygd í skipinum. Og Anita verður liggjandi, til Føroya rættur hevur viðgjørt málið, um tað ikki dregur alt ov nógv út, segði advokaturin hjá reiðaríinum hósdagin.</p>

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486