Boring í Brugduni 2 heldur fram

<p>Statoil fer fyrst at bora brunnin Brugdan 2, og tá tann brunnurin er liðugur, verður farið undir brunnin, sum eitur Súlan-Stelkur. Men Statoil vil onki siga um úrslitini av boringunum, fyrr enn báðir brunnar eru boraðir, sigur Rúni Hansen, stjóri fyri Statoil Føroyar.</p>

<p>Rúni Hansen sigur, at tað fer at taka umleið eitt hálvt ár at bora brunnarnar, og ikki fyrr enn tá, kann Statoil siga nakað um úrslitini av boringunum. Byrjað varð at bora Brugduna 2 í 2012, men boringin varð steðgað tá, tí hon var ikki liðug, tá veturin kom.</p>

<p><strong>SÍ EISINI <a href="http://kvf.fo/Archive_Articles/2012/11/27/boringin-brugduni-er-stega-fyr... í Brugduni er steðgað fyribils</a></strong></p>

<p>Statoil fekk loyvi frá Jarðfeingi at bora Brugduna 2, 9 mai í ár, og boripallurin West Hercules kom á positiónina 10. mai. Brugdan 2 liggur einar 70 fjórðingar úr landi, og brunnurin Súlan-stelkur liggur tætt við Hetlandska markið.</p>

<p>Statoil er fyristøðufelag at bora brunnin Brugdan 2, og hinir loyvishavararnir eru Exxon-Mobil, OMV og Atlantic Petroleum. Statoil er eisini fyristøðufelag at bora brunnin Súlan-Stelkur, og Dong og OMV, sum er eysturríkst oljufelag, eiga eisini í loyvinum.</p>