Atlantsflog leigar flogfar til Íslands

Atlantsflog leigar flogfar til Íslands
Skal flúgva fyri íslendska felagið, WOW, í summar
 
23.05.2014 - 13:09

Atlantsflog hevur leigað eitt av airbus-flogførunum til íslendska felagið, VOV. Flogfarið skal flúgva fyri íslendska flogfelagið til eftir summarfrítíðina.

Eftir avtaluni skulu føroysku flogskipararnir flúgva flogfarið, meðan restin av manningini kemur frá íslendska flogfelagnum.

Jørgen Holme, stjóri í Atlantsflogi sigur umvegis ein teldupost, at orsøkin til at flogfarið er leigað til Íslands, er, at flogfelagið ikki hevur so nógvar ferðir til Egyptalands fyri danska felagið, Atlantis Rejser, sum ætlanin var.

Ófriðurin í Egyptalandi er orsøk til, at færri ferðafólk velja at fara hagar.

At eitt av flogførunum í gjár byrjaði at flúgva fyri íslendska felagið, hevur ikki annað við sær, enn at neyðugt hevur verið at broyta nakrar fráfaringartíðir.

Tað er longu gjørt, og tí fara ferðafólk ikki at merkja nakað til broytingina, sigur Jørgen Holme.

Flogfarið sum nú er leigað til Íslands, var tað seinasta av trimum airbussum, sum komu í flotan hjá Atlantic Airways. Flogfarið kom til Føroya í oktober í fjør.

Í juni fer Atlantic Airways at kunngera sínar ætlanir fyri framtíðina.

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470