Torført at selja bygningar

Hóast inntøkurnar hjá Tórshavnar kommunu í fjør vóru góðar 23 milliónir kr. hægri enn mett, so fer meginparturin av pengunum í eitt tómt hol.

Orsøkin er millum annað, at kommunan ikki hevur selt so nógvar bygningar, sum ætlanin var, tá kommunan 30. mai í fjør gjørdi av at keypa ognirnar hjá BankNordik, sum er farin undir at byggja nýggjan bygning.

Tá ætlaði kommunan at selja ognir, fyri at fíggja keypið av bygningunum hjá BankNordik.

Men tað hevur ikki gingið sum ætlað við søluni, og tí vænta pengar á tí kontuni.

Tí hevur býráðið gjørt av at seta 19,5 milliónir kr. av yvirskotinum á ta kontuna, fyri at fíggja ein part av undirskotinum.