- Tíðindi, mentan og ítróttur
Laksur er størsta útflutningsvøran
<p>Fyrsta ársfjórðing útflutti alivinnan 14.672 tons av laksi fyri 431 milliónir krónur. </p><div><br></div><div>Sostatt umboðaði alivinnan 38 prosent av øllum útflutninginum, og laksur er enn størsta føroyska útflutningsvøran, skrivar Vinnuhúsið.</div><div><br></div><div>Laksaprísirnir vóru sera høgir fyrsta ársfjórðing í fjør, og at teir eru lækkaðir, sæst aftur í hagtølunum fyrstu tríggjar mánaðirnar í ár. Hóast nøgdin av laksi, sum varð útflutt fyrsta ársfjórðing í ár, var 64 prosent størri enn sama tíðarskeið í fjør, var virðið bert 12 prosent størri. </div><div><br></div><div>Sambært hagtølum frá Hagstovuni var meðalprísurin alt tíðarskeiðið 26,31 kr. fyri kilo. </div><div><br></div><div>Minni varð útflutt til USA fyrsta ársfjórðing í ár, men laksaútflutningurin til Russland og Kina veksur støðugt.</div>
