- Tíðindi, mentan og ítróttur
Væl nøgdur við frágreiðingina um CIA-flúgvingina
<div>Grønlendski landsstýrisformaðurin, Kuupik Kleist, er væl nøgdur við frágreiðingina um CIA-fangaflúgvingina í donskum, grønlendskum og føroyskum loftrúmi.</div><div><br></div><div>Tað skrivar Ritzau.</div><div><br></div><div>Frágreiðingin, sum Dansk Institut for Internationale Studier, stytt DIIS, hevur gjørt, staðfestir, at einki grundarlag er fyri uppáhaldinum um avtalað spæl millum Danmark og USA í sambandi við CIA-flúgvingar yvir Grønlandi.</div><div><br></div><div> - DIIS hevur skrivað ein nágreiniliga frágreiðing út frá tí arbeiðssetningi, sum grønlendska Sjálvstýrið bað um - og hevur lýst torskilda økið, sum hetta málið snýr seg um, sigur Kuupik Kleist.</div><div><br></div><div>Í frágreiðingini hjá DIIS, verður millum annað sagt, at donsku, grønlendsku og føroysku myndugleikarnir hvørki vistu um ólógliga flúgving, ella um flogfør høvdu millumlent. Men tað kann hvørki váttast ella avsannast, at ólóglig flúgving hevur verið í donskum, grønlendskum ella í føroyskum loftrúmi, staðfestir frágreiðingin.</div><div><br></div><div>Tað vóru Kuupik Kleist og danski uttanríkisráðharrin, Villy Søvndal, sum í november í fjør bóðu DIIS um at kanna eina røð av spurningum í CIA-málinum.</div><div><br></div><div>Grønlendski landsstýrisformaðurin og danski uttanríkisharrin fara nú í felag at viðgera frágreiðingina.</div><div><br></div>
