Einki funnið við Pollin

Har, sum leitað verður, er so djúpt, at ikki ber til senda kavarar niður. Tí er ætlanin at brúka eitt myndatól at leita við á botninum. 

Vakthavandi á politistøðini í Havn sigur, at ætlanin er at kanna, um til ber at taka leitingina upp aftur í dag.  

Einki fólk er horvið seinastu tíðina. Í so máta er tí eingin ábending um, hví maðurin, sum var á floti í Saksun, fekk eina hosu á húkin.

Sambært tí, sum politiið hevur fingið at vita, helt maðurin seg hava fingið ein kalva, tí so nógv stóð á. Men so loysnaði og tá húkurin kom upp, var hosan á honum.