Sáttmáli um at smíða læknamiðstøð í Vestmanna

Fríggjadagin gjørdi Vestmanna kommuna sáttmála við GAJ Smíð um at smíða læknamiðstøðina í Gørðum í Vestmanna.

Í løtuni verður stoypingin gjørd. 

Læknamiðstøðin verður 660 fermetrar, 330 fermetrar hvør hæddin.

Tannlæknin og kommunulæknin vera í ovaru hæddini, og niðara hæddin verður tøk hjá øðrum, sum hava áhuga at vera í læknamiðstøðini, sigur Pauli Petersen, borgarstjóri í Vestmanna.

Læknamiðstøðin skal vera liðug 21.mai næsta ár. Hon kostar 6,5 mió. kr. og verður fíggjað yvir raksturin í øllum førum í ár og helst fer tað eisini at bera til næsta ár, sigur borgarstjórin.