Fýra mánaðir fyri harðskap móti Sea Shepherdstuðli

Ein 21 ára gamal maður úr Skopun fekk á middegi í dag fýra mánaða treytaleysa fongsulsrevsing fyri harðskap móti einum stuðulsmanni hjá Sea Shepherd fyri sløkum tveimum vikum síðani.

Dómurin er treytaleysur. Harafturat er maðurin, sum játtaði seg sekan, dømdur at rinda læknarokningar hjá manninum, hann sló, slakar 4.000 kr. Hann skal eisini rinda sakarkostnaðin.

Maðurin tók við dóminum, og hann varð latin leysur eftir at hann fekk dómin.  Hann var í varðhaldi í 11 dagar.

21 ára gamli maðurin hevði ein treytaðan dóm frammanundan, eisini fyri harðskap. Tann dómurin var 60 dagar. Og hann er við í dóminum, maðurin fekk í dag.