Undirsjóvartunlarnir skulu ikki skuldarbindast til aðrar íløgur

Borgarstjórar í Vágum og Norðoyggjum mótmæla, at Vágatunilin og Norðoyatunnilin verða nýttir at skuldarbinda aðrar íløgur í landsvegakervinum.<div style="font-style: normal; "><br></div><div style="font-style: normal; ">Teir siga, at undirsjóvartunlarnir kundu bert gerast veruleiki, tí brúkararnir átóku sær at gjalda bummgjald.</div><div style="font-style: normal; "><br></div><div style="font-style: normal; ">- Tí er tað eitt álvarsligt álitisbrot móti tí fólki, sum búleikast og rekur vinnur í landspørtum okkara, tá tað nú frættist, at landspolitikarar tosa um at skuldarbinda undirsjóvartunlarnar til aðrar íløgur í landsveganetið, siga borgarstjórarni í opnum brævi til løgtingið.</div><div style="font-style: normal; "><br></div><div style="font-style: normal; ">Teir vísa á, at tað eisini var ein avgjørd fortreyt, tá verkætlanirnarnir vórðu framdar, at bummgjøldini halda uppat, tá íløgan er niðurgoldin. &nbsp;Allar íløgur í Vágum og Norðoyggjum hava síðani verið gjørdar út frá hesum fortreytum, verður sagt.</div><div style="font-style: normal; "><br></div><div style="font-style: normal; ">Borgarstjórarnir siga, at tað verður undir ongum umstøðum góðtikið, at bummgjøldini í Vágatunlinum og Norðoyatunlinum verða brúkt til annað enn at niðurgjalda skuldina í hesum báðum tunlum.</div><div style="font-style: normal; "><br></div><div style="font-style: normal; ">Borgarstjórarnir, sum hava skrivað undir brævið til løgtingið, eru Albert Ellefsen fyri Vága kommunu, Sune Jacobsen fyri Sørvágs kommunu, Gunvá við Keldu fyri Klaksvíkar kommunu, Katrin Næs fyri Hvannasunds kommunu, Hans J. Kallsberg fyri Viðareiðis kommunu, og John Damberg fyri Kunoyar kommunu&nbsp;</div><div style="font-style: normal; "><br></div><div style="font-style: normal; "><br></div><div><i>Mynd: Teir seks borgarstjórarnir, sum hava skrivað opið bræv til løgtingið um ikki at skuldarbinda undirsjóvartunlarnir til aðrar íløgur</i></div>