Dan Knudsen heldur fram sum ríkisumboðsmaður

Dan Knudsen heldur fram sum ríkisumboðsmaður í Føroyum eftir nýggjár. 

Forsætismálaráðið kunngjørdi í gjár, at stjórnin hevur tilnevnt Dan Knudsen at halda fram sum ríkisumboðsmaður. Hann hevur verið ríkisumboðsmaður síðani 2008.

Dan Michael Knudsen er 52 ára gamal. Hann gjørdist kandidatur í samfelagsvísindum á Syddansk Universitet í Odense í 1997 og hevur arbeitt í Føroyum øll árini síðani.

Frá 1997 til 2000 var hann fultrúi í Fíggjarmálastýrinum, frá 2000 til 2005 var hann fíggjarfulltrúi á Ríkisumboðnum og frá 2005 til 2007 ráðgevi á Ríkisumboðnum, til hann gjørdist ríkisumboðsmaður í Føroyum í 2008.