Nú gongur betur í Vági - skattaprosentið lækkar

Skattaprosentið í Vági lækkar næsta ár úr 23,15 prosentum niður í 22,95 prosent.

Tað samtykti Vágs býráð einmælt mánakvøldið.

Tað er annað árið á rað, at Vágs býráð lækkar skattaprosentið, og fyrstu ferð í 25 ár, at skattaprosentið fer niður um 23 prosent.

Dennis Holm, borgarstjóri, sigur, at fíggjarliga rásarúmið er vorðið størri, og fólkatalið veksur eisini.