Kinverjar royna at loysa stríðið í Sýria

<div>Kinverjar gera eina roynd at steðga bardøgunum í Sýria.</div><div><br></div><div>Tað skriva ritzau og Reuters.</div><div><br></div><div>Kinverski varauttanríkisráðharrin, Zhai Jun, kom í gjár til Damaskus at fundast við sýriska forsetan, Bashar al-Assad.</div><div><br></div><div>Kinverski ráðharrin segði millum annað fyrr í dag, at Beijing ætlar at koma við eini veruligari loysn.</div><div><br></div><div>Her sipar hann ivaleyst til samtyktina, sum ST-aðalfundurin samtykti herfyri um at heita á Assad um at steðga harðligu viðferðina mótvegis 11 mánaðar langa uppreistrinum og fara frá sum forseti.</div><div><br></div><div>Kina saman við Russlandi ímóti ST-samtyktini, tí kinverjar halda, at sýriubúgvar sjálvir skulu loysar trupulleikarnar uttan boðum úr útlandinum.</div><div><br></div><div>Samstundis halda bardagarnir í Sýria fram.</div><div><br></div><div>Sýrisk stjórnarherlið halda fram við at bumba uppihaldsstøð hjá andstøðuni í býnum Homs, sum hevur havt ein týðandi leiklut í ófriðinum í landinum.</div><div><br></div><div>Mannarættindafelagsskapir meta, at álopini móti Homs seinastu tvær vikurnar hava kosta 400 fólkum lívi. Ein lækni í býnum sigur, at upp móti 1800 fólk eru løstað.</div>