Løgmaður: Tingfólkini kunnu ynskja sær forfólkasess í nevndum

- Tað stendur øllum okkara tingfólkum í boði at ynskja sær ein formans- ella forkvinnusess í løgtingsnevndunum.

Tað sigur Beinir Johannesen, løgmaður og formaður í Fólkaflokkinum, nú Fólkaflokkurin onga kvinnu hevur valt í leiðandi sessirnar í løgtingsnevndinum.

Í teimum tilsamans átta løgtingsnevndunum - saman við landsstýrismálanevndini og løgtingsgrannskoðaranevndini - eru sjey menn og ein kvinna.

Og av teimum trimum formans- ella forkvinnusessunum í løgtingsnevndunum, sum Fólkaflokkurin fekk, er eingin kvinna.

Elsebeth Mercedis Gunnleygsdóttur fekk ongan landsstýrissess, men hon er fyrsta næstforkvinna í formansskapinum í løgtinginum og næstforkvinna í fíggjarnevndini.

Hoyr innslag í útvarpstíðindunum: 

Helgi Abrahamsen er formaður í fíggjarnevndini, Jørgen Niclasen í uttanlandsnevndini, Ben Arabo í vinnunevndini, Fróði Magnussen í rættarnevndini, Grímur Sundstein í trivnaðarnevndini, og Súsanna Bertholdsen er forkvinna í mentanarnevndini.

Erhard Joensen hevur fingið formannsessin í landsstýrismálanevndini, og Fróði Magnussen er formaður í løgtingsgrannskoðaranevndini.