Pensjónsskattingin: Ávara ímóti at gera sum føroyingar

<div>Felagið hjá donskum tryggingum og pensjónsfeløgum ávarar donsku stjórnina móti at gera sum føroyska landsstýrið, tað er at fíggja skattalætta við skatti frá pensjónum.</div><div><br></div><div>Stjórin í Forsikring og Pension, Per Bremer Rasmussen, kallar føroyska politikkin stuldur á alljósum degi frá einum heilum ættarliði.&nbsp;</div><div><br></div><div>Tá føroyingar, sum nú eru ungir, eina ferð skulu hava sína eftirløn, eru eingir pengar til teirra. Tí foreldur teirra hava tikið pengarnar, skrivar tíðindabrævið hjá Forsikring og Pension, Fronter.&nbsp;</div><div><br></div><div>Per Bremer Andersen nevnir somu sjónarmið, sum eru brúkt í Føroyum móti politikkinum hjá landsstýrinum.&nbsp;Og hann ávarar donsku stjórnini móti at gera tað sama sum landsstýrið gjørdi fyri at kunna lata skattalætta.&nbsp;</div><div><br></div><div>Stjórin endar grein sína við einari áheitan á danska skattamálaráðharran:</div><div><br></div><div>Góði Thor Möger Pedersen, tað er ikki í Norðuratlantshavi, tú skalt leita tær eftir íblástri til skattareformin hjá tær.&nbsp;</div><div><br></div><div>Varastjórin í Forsikring og Pension, Carsten Andersen, skrivar eisini um føroyska skattapolitikkin. &nbsp;</div><div><br></div><div>Hann hevur tosað við Erik Lindenskov, blaðstjóra á Sosialinum, og Svein Tróndarson, blaðmann á Dimmalætting, sum greiða frá ivanum hjá nógvum føroyingum, nú pensjónin verður skattað við inngjalding fyri at fíggja skattalætta, sum tey hægstløntu fáa mest burturúr.&nbsp;</div><div><br></div><div>Torben M. Andersen, professari í búskapi á Lærda háskúlanum í Århus og fyrrverandi yvirvísmaður hjá donsku stjórnini, sigur við Fronter, at skattingin av inngjaldinum ger ikki føroyska samfelagið ríkari. Tí verður búskaparliga rásarúmið heldur ikki størri, hóast gjaldførið broytist munandi.&nbsp;</div><div>Verður skatturin av pensjónunum brúktur nú, vera pengarnir ikki tøkir hjá komandi ættarliðum, sigur Torben M. Andersen.</div><div style="font-family: Arial, Verdana; font-size: 10pt; font-style: normal; font-variant: normal; font-weight: normal; line-height: normal; "><br></div>