Eldur í einum sethúsum í Eysturbýnum í Havn

Orsøkin til eldin var eitt stearinljós, sum stóð í vindeygakarminum og hevði fest eld í.

Fólk, sum gingu framvið húsinum sóu eldin og boðaðu løgregluni frá. Tórshavnar sløkkilið kom á staðið og sløkti eldin. Av tí at skjótt var borið at, var skaðin lítil. Eingin var inni í húsinum.

Vakthavandi hjá sløkkiliðnum, Jákup Mortensen, sigur, at tað var heppi, at fólk sóu eldin so skjótt, so at eldurin ikki breiddi seg og skaðin ikki gjørdist størri. 

Vakthavandi minnir fólk á ikki at gloyma at minnast til at hava vakið eygað við stearinljósum.