Ávarar suðringar um illveður

- Tað er av ringasta veðri í Suðuroy í løtuni og tí mugu fólk vísa størsta varsemi, sigur Jaspur Vang, sýslumaður í Suðuroy.

Serliga á Porkerishálsi og Krambatanga er ringt veður. Landsverk boðaði fyrr í morgun frá, at tað vóru 40 metrar um sekundið á Porkerishálsi og 36 m/s á Krambatanga.

Sýslumaðurin í Suðri biður fólk vísa umhugsni, tá tey ferðast uttandura og bara at ferðast millum bygdir, um tað er hægst neyðugt.