Ung í Føroyum lítlan áhuga fyri dagbløðum

Ung í Føroyum lítlan áhuga fyri dagbløðum
56 prosent av ungum í Føroyum lesa ikki dagbløð, kemur fram í skúlaspurnakanning, ið er gjørd í 9. flokkunum í Føroyum
Ung í Føroyum lesa ikki dagbløð, kemur fram í stóru skúlaspurnakanningini, Ungfólk í Føroyum 2012
 
03.02.2015 - 12:25

<p>Stóra skúlaspurnakanningin, Ungfólk í Føroyum 2012, spurdi tey ungu, hvussu nógvar tímar um vikuna tey lesa bøkur, sum eru aðrar enn skúlabøkur, myndarøðir, dagbløð, tíðarrit, bløð á netinum og annað tilfar á netinum.</p>

<p>Góð níggju prosent siga seg lesa annað tilfar enn skúlabøkur í minsta lagi fýra tímar um vikuna. Helvtin av teimum ungu siga seg eisini lesa myndarøðir viðhvørt. Sløk fýra prosent siga seg lesa myndarøðir í minsta lagi fýra tímar um vikuna.</p>

<p>Kanningin varð gjørd í øllum 9. flokkum kring alt landið. 19 av tilsamans 21 skúlum við 9. flokkum luttóku. Kanningin umfatar øll, sum eru fødd í 1996. Umleið 540 luttakarar vóru eftir, tá tey ógyldugu skjølini vóru drigin frá. Umleið 52 prosent vóru gentur.</p>

<p><strong>Bløð á netinum størri áhuga</strong></p>

<p>Er henda kanningin ein ábending um, hvussu prentaða dagblaðið fer at hava tað, tá ið hesi, ið luttaka í kanningini, gerast vaksin, so sær støðan alt annað enn ljós út, tí tey ungu hava ikki serliga stóran áhuga fyri dagbløðum, skrivar <a href="http://www.skulabladid.fo/Heim.aspx?ID=610&amp;M=News&amp;PID=1962&amp;N... target="_blank">Skúlablaðið</a>.</p>

<p>56 prosent lesa ongantíð dagbløð. Einans trý ung siga seg brúka í minsta lagi fýra tímar um vikuna til dagbløð. Bløð á netinum hava sindur størri áhuga.</p>

<p>193 ung - 38 prosent - lesa ikki bløð á netinum. Tó eru einans 28 ung - seks prosent - sum brúka í minsta lagi fýra tímar um vikuna til tað. Tey allarflestu lesa annað tilfar á netinum viðhvørt.</p>

<p><strong>Granskingarætlanin slóðbrótandi samstarv</strong></p>

<p>87 prosent siga seg lesa annað á netinum hvørja viku. 13 prosent siga seg brúka í minsta lagi seks tímar til hetta um vikuna.</p>

<p>Granskingarverkætlanin var slóðbrótandi samstarv millum Rannsóknir &amp; Greining á Háskúla Reykjavíkar og Námsvísindadeildina á Fróðskaparsetrinum.</p>

<p>Firouz Gaini, sum samskipaði og gjøgnumførdi tann føroyska partin, hevur eisini skrivað frágreiðingina Ungfólk í Føroyum 2012.</p>

Er kopiera
Nýggjastu sendingar í ÚV
Hósdag 30. januar
Morgunlestur hósdagur 30.januar 2025
186658
Mikudag 29. januar
Skratsj 29. januar 2025
187050
Mikudag 29. januar
Morgunlestur mikudagur 29.januar 2025
186657
Mikudag 29. januar
LEITISSTEIN 28.01.2025 (Tjant)
187008