Kringvarpið kærir til landsrættin

Kringvarpið fer at kæra dómin í Føroya Rætti til Landsrættin.

Tað sigur Dia Midjord, kringvarpsstjóri, eftir dómin í tollmálinum, har Jørgen Niclasen, landsstýrismaður, fekk viðhald. 

Aðrar viðmerkingar hevur kringvarpsstjórin ikki, áðrenn hann hevur tosað við sakføraran.

Sambært Rúna Heinesen, formanni í Kringvarpsstýrinum, er stýrið fyri Kringvarpið kallað saman at viðgera dómin. Fundurin í Kringvarpsstýrinum verður fríggjadagin.

Meira verður at frætta um hetta málið í tíðindasendingum seinni í dag. Eisini verður dómurin viðgjørdur í Radaranum, sum kemur eftir tíðindini klokkan 17.