Sóu brisling á Vágsfirði

Herfyri vóru stórar torvur av brislingi at síggja á Vágsfirði.

Havstovan fekk nakrar fiskar til kanningar, tí talan kundi eisini vera um smásild.

Kanningarnar vístu, at talan var um brisling.

Teir vóru 13-15 sentimetrar til longdar og millum tvey og fýra ára gamlir.

Brislingur er undir Føroyum, men Havstovan hevur ikki gjørt regluligar kanningar av brislingi, og tí veit Havstovan lítið um brisling við Føroyar, skrivar stovnurin á heimasíðuni.