Føroyskt met og juniormet

Ásbjørg Hjelm úr Ægir setti í dag nýtt føroyskt met í 50 metur bringu.

Hon kom á mál við tíðini 32.70. Ásbjørg átti sjálv gamla metið, sum var 32.96.

Eitt nýtt juniormet varð eisini sett í dag. Tað var Rólant Toftum úr Susvim, sum setti tað í 200 metur bringu.

Rólant kom á mál við tíðini 2.21.33. Rólant átti sjálvur gamla juniormetið, sum var 2.22.11.

Tíðin hjá Rólanti rakk til eitt silvurheiðursmerkið, tí skjótastur í 200 metur finaluni var Pál Joensen.

Pál vann við tíðini 2.16.99.

Í morgin eru aftur FM-finalur í svimjing á skránni í sjónvarpinum. Vit senda frá klokkan 17.00 til 19.00