Krossurin er loyniligur!

Tað er ikki hent, fyrr enn tað er deilt á facebook.

Tann hugburðurin er vanligur, serliga millum ung. Tey fægstu gera sær tó far um, at tað kann vera ólógligt - serliga í dag.

Tað er nevniliga ólógligt at almannakunngera atkvøðuseðilin og krossin á facebook, instagram ella aðrastaðni. 
Meginreglan í løgtingslógini um val til løgtingið er, at valið er loyniligt. 
Heldur ikki er loyvt at skriva annað enn ein kross á atkvøðuseðilin. Um tú teknar ella skrivar nakað annað á seðilin, verður hann ógildaður, og telur tí ikki við.

Eingin vandi
Eingin vandi er tó fyri, at tú verður blakað/ur í klivan ella at atkvøðan hjá tær verður ógildað av tí orsøk.

Tað eru eingir møguleikar í lógina at revsa tey, sum skuldi funnið uppá (og longu hava, vísir ein skjótt gjøgnumgongd á facebook) at leggja myndir av krossinum út á netið.