Meirilutin vísir á Aksel sum samráðingarleiðara

Nú er greitt, at meirilutin av floksformonnunum vil hava Aksel V. Johannesen, formann í Javnaðarflokkinum, at standa odda fyri samráðingunum at skipa nýggja landsstýrissamgongu.

Høgni Hoydal, formaður í Tjóðveldi, Kaj Leo Holm Johannesen, formaður í Sambandsflokkinum, Poul Michelsen, formaður í Framsókn, og Aksel V. Johannesen, formaður í Javnaðarflokkinum, vísa á Aksel V. Johannesen.

Jenis av Rana, formaður í Miðflokkinum, og Jógvan Skorheim, formaður í Nýggjum Sjálvstýri, fara nú á fund við løgtingsformannin.

Jørgen Niclasen, formaður í Fólkaflokkinum, hevur víst á Høgna Hoydal sum samráðingarleiðara.

Jógvan á Lakjuni, løgtingsformaður, hevur havt fund við floksformenninar síðani klokkan 14, og teir fáa umleið 10 minuttir í part.