Grønlendingar givnir at fiska makrel

Grønlendingar givnir at fiska makrel
Bara ein triðingur av kvotuni er fiskaður. Orsøkin er m.a. kaldur sjógvur og vánaligt veður
 
04.09.2015 - 10:40

Fiskiskapurin í Grønlandsfjørðinum millum Grønland og Ísland er vánaligur aftur í ár.

Vónirnar vóru góðar, eins og í fjør, men hitin í sjónum og tað, at tað hevur ikki viðrað,  hevur enn einaferð ávirkað royndarfiskiskapin eftir makreli.

Í summar ásetti Grønland sær kvotu, ið var 85.000 tons av makreli, og vónirnar í fíggjarlógaruppskotinum eru settar eftir hesi nøgd, sum svarar til 90 miljónir krónur í inntøku.

Bara triðingurin fiskaður

Men grønlendsku og útlendsku skipini hava fram til 1. september bara fiskað ein triðing av kvotuni. Og grønlendska fiskimálaráðið sigur við Sermitsiaq, at loyvishavararnir hava steðgað makrelfiskiskapinum í ár.

Fiskavirkini hava í ár bara skrásett, at 30.300 tons av makreli eru fiskað. Um somu tíð í fjør vórðu 50.048 tons fiskað, og tað var hildið at vera sera lítið.

Andstøðan í grønlendska landstinginum er í øðini um støðuna.

Spæla lotto

- Vit hava spælt lotto við fíggjarlógini. Tað eiga vit at læra av. Tú kanst ikki rokna við inntøkum, soleiðis sum vit hava gjørt. Skulu vit hava eina fíggjarlóg, sum ikki vísir hall, eigur grundarlagið ikki at vera ivasamar inntøkur, og um veðrið er til vildar, sigur Naaja Nathanielsen, landstingslimur fyri Inuit Atagaatiiit.

Kaldir havstreymar, vánaligt veður og at fiskurin er farin úr grønlendskum sjógvi fyrr enn vanligt er orsøkin til vánliga makrelfiskiskapin í ár, skrivar sermitnistq.gl.

Er kopiera
Nýggjastu sendingar í ÚV
Fríggjadag 18. oktober
Morgunlestur fríggjadagur 18. oktober 2024
182272
Fríggjadag 18. oktober
Morgunlestur mikudagur 16. oktober 2024
182269
Fríggjadag 18. oktober
Morgunlestur hósdagur 17. oktober 2024
182254
Fríggjadag 18. oktober
Lesikrókurin 29 sep 2024
182253
Fríggjadag 18. oktober
Vikan 12. oktober 2024
182248
Nýggjastu sendingar í SV
Fríggjadag 18. oktober
Kom á val 01
182263
Fríggjadag 18. oktober
Dagur og vika - teknmálstulkað
182249
Hósdag 17. oktober
Sært tú fuglin? II (2:2)
182194
Týsdag 15. oktober
Veðrið - teknmálstulkað
182120
Týsdag 15. oktober
Dagur og vika - teknmálstulkað
182119