Bíða við at søkja eftir nýggjum stjóra

Bíða við at søkja eftir nýggjum stjóra
Greiða skal fáast á fíggjarligu støðuna hjá Íverksetarahúsinum, áðrenn søkt verður eftir nýggjum stjóra, sigur nevndarformaðurin fyri húsið
Søkt verður eftir nýggjum stjóra til Íverksetarahúsið tá nevndin hevur fingið greiðu á fíggjarligu støðuni, og tá nýggja samgongan hevur meldað út, hvat hon ætlar
 
14.09.2015 - 13:02

Søkt verður ikki eftir nýggjum stjóra til Íverksetarahúsið í Klaksvík fyrr enn greiða er fingin á fíggjarligu støðuni hjá Íverksetarahúsinum.

Harumframt má nýggja samgongan eisini melda út, hvat hon æltar. Tað sigur Regin Dalsgaard, nevndarformaður fyri Íverksetarahúsið.

SÍ EISINI Leggja lok á óheimilaða peninganýtslu

Íverksetarahúsið er á fíggjarlógini. Húsið fær 1,1 millión krónur frá Vinnumálaráðnum og 300.000 krónur frá Mentamálaráðnum.

Harafturat fær Íverksetarahúsið fær 200.000 krónur frá Klaksvíkar kommunu. Tilsamans 1,6 milliónir krónur.

Møguliga neyðugt við eykajáttan

Nevndin fer fyrst at hava fund við hesar tríggjar myndugleikarnar, og greiða frá støðuni hjá Íverksetarahúsinum, og um nýggjar ætlanir við húsinum.

Regin Dalsgaard upplýsir, at møguliga verður neyðugt við eykajáttan til upptakið eftir fyrrverandi leiðsluna fyri Íverksetarahúsið.

Í nevndini fyri Íverksetarahúsinum í Klaksvík sita Regin W. Dalsgaard, Beinta Á. Gregersen og Birita Sandberg Samuelsen.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435