Eingir nýggir sáttmálar hjá tí almenna 1.oktober

Eingir nýggir sáttmálar hjá tí almenna 1.oktober
Allir partar hava vitað í fýra ár, at sáttmálarnir fóru úr gildi 1.oktober í ár. Enn er tó eingin nýggjur sáttmáli gjørdur.
Selma Ellingsgaard, forkvinna í Starvsmannafelagnum.
 
26.09.2015 - 10:35

Sáttmálasamráðingarnar á almenna arbeiðsmarknaðinum eru so smátt byrjaðar.

Hósdagin var Starvsmannafelagið á fundi við Lønardeildina í Fíggjarmálaráðnum.

Selma Ellingsgaard, forkvinna í Starvsmannafelagnum, sigur, at partarnir avtalaðu, hvussu samráðingarnar skulu skipast.  Fyribils eru fimm dagar settir av til samráðingarnar.

Krøvini latin 

Um hálvan juni læt Starvsmannafelagið Lønardeildini síni krøv. Tá varð eisini avtalað, hvussu samráðast skuldi. Ætlanin var at byrja 26.august.

Men av tí at løgtingsval varð útskrivað, hendi ikki meira, tí hildið varð, at best var at bíða, til valið hevði verið.

Nú er nýggj samgonga skipað, og tí byrja samráðingarnar aftur.

Flestu sáttmálarnir á almenna arbeiðsmarknaðinum, teir eru 25 í tali, fara úr gildi hósdagin, sum er 1. oktober.

Fyri ta tíð verður eingin nýggjur sáttmáli gjørdur millum Starvsmannafelagið og Lønardeildina, tí næsti fundurin verður ikki fyrr enn fríggjadagin 2. oktober, sigur Selma Ellingsgaard.

Á tí fundinum verður Kristina Háfoss, nývald landsstýriskvinna í fíggjarmálum, við.

Ætlanin er at bera skjótt at við at fáa samráðingarnar avgreiddar, tí allir avtalaðu fundardagarnir eru í oktober, sigur Selma Ellingsgaard.

Er kopiera
Nýggjastu sendingar í ÚV
Fríggjadag 21. februar
Vikuskiftið 21 februar 2025
188133
Fríggjadag 21. februar
Morgunlestur fríggjadagur 21.februar 2025
186661
Hósdag 20. februar
RagnarRokk 20.februar 2025
186601
Nýggjastu sendingar í SV
Fríggjadag 21. februar
Tróndur og Kári
187878
Fríggjadag 21. februar
Dagur og vika - teknmálstulkað
188097
Fríggjadag 21. februar
Veðrið
188130
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962