TG Verk ger ikki alt arbeiðið liðugt

Tað bleiv, sum Høgni Lauritsen, stjóri í TG Verk, longu tíðliga í heyst roknaði við: marknagilsdepilin verður ikki innilokaður fyrr enn á sumri næsta ár.

TG Verk hevði lægsta tilboð uppá meginpartin av arbeiðnum í Marknagili. Fyritøkan ger jørð, kloakk, betong- og stálarbeiði, men fyritøkan hevði eisini lægsta tilboð uppá innrætting og múraraarbeiði. Hesir báðir sáttmálarnir - innrætning og múraraarbeiði - eru tó ongantíð undirskrivaðir, og sera ivasamt er, um teir nakrantíð vera undirskrivaðir: Tí TG Verk hevur frásagt sær tann framíhjárætt at gera bygningin lidnan.

Longu nú er greitt, at ein træta um 15 milliónir - pengarnir sum Landsverk leggur út nú - endar í gerðarrættinum:

Sambært semjuni millum Landsverk og TG Verk verður beinanvegin farið undir at fyrireika eitt gerðarrættarmál. Øll krøv skulu vera latin gerðarættinum skjótast gjørligt og í seinasta lagi tvær vikur eftir at TG Verk hevur avhendað sítt arbeiði.