Tveir triðingar fyri at velja hana aftur

Valið av Løgtingsins umboðsmanni gekk ikki, sum løgtingsformaðurin ætlaði. Fyrsta mál á skránni fyri løgtingsfundin, sum skuldi byrja klokkan 11 fyrrapartin, var val av umboðsmanni.

Tá avtornaði skrivaðu 13 tinglimir - úr Fólkaflokkinum, Sambandsflokkinum og Miðflokkinum - undir eitt skriv til løgtingsformannin, har teir bóðu um at fáa valið av umboðsmanni útsett.

Tingfundurin mátti útsetast

Áheitanin varð sett fram, vísandi til grein 50, stk.2 í tingskipanini. Henda greinin sigur, at um so er, at seks tingmenn mæla til tað, verður ikki atkvøtt um evnini á sama fundi, tey eru skotin upp, men seinni á einum fundi, sum løgtingsformaðurin hevur ásett.

Áheitanin noyddi løgtingstingformannin at útseta tingfundin, meðan umsitingin hjá Løgtinginum viðgjørdi spurningin. Niðurstøðan hjá umsitingini var, at henda greinin í tingskipanini kann ikki brúkast í einum máli av hesum slag.

Tí skar løgtingsformaðurin ígjøgnum. Tá avtornaði atkvøddu 22 tingfólk fyri, trý atkvøddu ímóti, og átta atkvøddu blankt.