Fíggjarnevndarálitið komið

Loksins eftir midnátt tollaksmessuaftan kom fíggjarnevndin við sínum áliti.

Tað verður viðgjørt á tingfundi mánadagin 28. desember. Ein rúgva av broytingaruppskotum er í álitinum, sum er 47 síður.

Nakrar broytingar er nevndin samd um, og síðani hevur meirilutin - samgongan - síni uppskot og minnilutin - andstøðan - síni. Nógvar broytingar eru slíkar, sum landsstýrið bað nevndina gera eftir at sjálvt fíggjarlógaruppskotið kom í løgtingið.

Uppskotið um fíggjarlógina hevur verið fyri á 11 nevndarfundum síðan samgongan tók við 14. september í ár.

Álitið frá fíggjarnevndini kann lesast her.