Aðalráðini skulu spara

Aðalráðini eiga spara eina hálva millión hvør - undantikið nýggja Samferðslumálaráðið. Tað heldur minnilutin í Fíggjarnevndini í sínum áliti til fíggjarlóg.

- Tað er altíð neyðugt at halda aftur í almennum útreiðslum. Serliga hevur almenna fyrisitingin hug til støðugt at vaksa.

- Tí heldur minnilutin, at aðalráðini kunnu spara 500.000 krónur hvørt. Tó er nýggja Samferðslumálaráðið undantikið, skrivar minnilutin.

Í minnilutaálitinum verður ikki grundgivið nærri, hví ella hvar hvørt aðalráð kunnu spara hálvu milliónina - ella hví minnilutin ikki mælti til somu sparingar, tá næstan somu umboð í minnilutanum í fíggjarnevndini sótu í meiriluta í undanfarna valskeiði.